Primo Beer Cake
Main Page | Add A RecipeBack
There are currently 947 Ono Recipes

Search Recipes:    
Primo Beer Cake
Recipe Number: 1097029977
Contributor: Skippy

Print Friendly Version
Recipe is Unreviewed
Review This Recipe

1 1/2 C Primo beer (can uu's uddah kine eef u no'moa Primo)
1 C Molasses
1 1/2 C Raisins (make shuwah no'moa seeds)
1/2 C Butter
3 C Cake flour, (sift da bugga)
1 tsp Salt
1 tsp Cinnamon
1/4 tsp Baking soda
3 tsp Baking powder
1/4 tsp Nutmeg
1/4 tsp Clove
1/3 cup Nuts (macadamia, walnut, pecans) be shuwah fo chop-um up
Cooking Instructions
In'sai one saucepan go mix da beer, mollasses and da buttah. Bring da bugga to one boil la'dat stirring until da buttah stay all melted. Now go add da raisins and let da bugga cool down. Now, go mix toggetah da uddah ingredients except fo da nuts. K'den, now go mix da dry stuffs wit da beer mixcha. Do da bugga slow li'dat so u stay make shuwah all da stuffs stay mixed up good. Wen u pau do dis, go stir in da nuts den go pour da stuff in'sai one bumbucha (large) round tube pan dat stay buttered and lined wit da'kine wax paper. Now go bake da bugga in da oven at 375 degrees foa about one hour, owah until da cake stay done. U no how fo uu's da tooth pick fo check yeah? Eef not, go poke da bugga in'sai da middo of da cake den pull-um back out and go look eef da toothpick still stay wet la'dat. Eef still wet, let bake fo one nuddah five minutes o'so.
Additional Comments
E dis cake foa all da moke dat stay have deah wahines on deah cases. Next time she go azk u why u wen buy dat case of Primo all u need say is so u can make me my favorite cake la'dat. Not oni dis cake ono but one good excuse foa buy da Primo. Shaka!!

E, dis cake oni ono la'dat and easy fo make. Eef da bugga stay cum out too dry dat means u neva wen make-um right... so go try again. A 'ole pilikia doe, cuz u can always chase da bugga down wit da rest of Primo six-pack. K'den now go make da bugga and enjoy! Aloha.

Browse Another Category 

Browse Another Cuisine